નાણંમિ દંસણંમિ અ, ચરણંમિ તવંમિ તહ ય વીરિયંમિ,
આયરણં આયારો, ઇઅ એસો પંચહા ભણિઓ.. ।।1।।
કાલે વિણએ બહુમાણે, ઉવહાણે તહ અનિણ્હવણે ,
વંજણ – અત્થ – તદુભએ, અટ્ઠવિહો નાણમાયારો.. ।।2।।
નિસ્સંકિઅ નિક્કંખિઅ, નિવ્વિતિગિચ્છા અમૂઢદિટ્ઠી અ,
ઉવવૂહ થિરીકરણે, વચ્છલ્લ – પભાવણે અટ્ઠ.. ।।3।।
પણિહાણ – જોગજુત્તો, પંચિહિ સમિઇહિં તીહિં ગુત્તીહિં,
એસ ચરિત્તાયારો, અટ્ઠવિહો હોઇ નાયવ્વો.. ।।4।।
બારસવિહંમિ વિ તવે, સબ્ભિંતર – બાહિરે કુસલ – દિટ્ઠે,
અગિલાઇ અણાજીવી. નાયવ્વો સો તવાયારો.. ।।5।।
અણસણમૂણો અરિયા, વિત્તીસંખેવણં રસચ્ચાઓ,
કાય કિલેસો સંલીણયા ય, બજ્ઝો તવો હોઇ.. ।।6।।
પાયચ્છિતં વિણઓ, વેયાવચ્ચં તહેવ સજ્ઝાઓ,
ઝાણં ઉસ્સગ્ગો વિ અ, અબ્ભિંતરઓ તવો હોઇ.. ।।7।।
અણિગૂહિઅ – બલ – વીરિઓ, પરક્કમઇ જો જહુત્તમાઉત્તો,
જૂંજઇ અ જહાથામં, નાયવ્વો વીરિઆયારો… ।।8।।